— Ne'm vaga pas, que cau que'u torni trobar viste !

Ce'm digoi, qu'èri a temptar de redusir mei que possible quan envejàvi messatges aus contactes mens, frenetic ; qu'avèvi chic d'amics sus la tela mes qu'èran a tè tu, qu'avèn lo lor amigalha : que partajèn sosviéners de vacanças amassa, causas de tot dias, videos entad arríder hèit. Que'ns coneishèn drin totun, per reaccions partajadas suus espacis nostes, a còp de pòç blaus e corets, qu'avóm apres a s'estimar. Perqué, adara, aquestas gents ne'm reponavan pas ? Ne'us podèvi pas excusar nada tardanças, nada silencis : Que'us designèi copables d'aviada, responsables de tira de l'engueish qui'm corduravan las tripas.

Quan açò, los vists que contunhèn aus pès deus proseis. Ignorat, que podèvi véder uas ensajadas e's har e's des·har au men davant, a bailar per tres puntòts qui ne podèven pas s'estar. On despariva la hami ? Lo coratge d'aquestes començars de quauquarren, de quasi solaç, d'assisténcia mancada ? Ortada. La certitud d'aver rason que'm mantienavi de plom ; a priòri arren n'infirmava pas la mea sentida, la de l'aver desbrombat en çò de quauquarres, çò de l'un d'eths : qu'èra lo mei propable. Qu'avèvan la mea patz aus caps deus dits — Tiratz-me deu dobte, premetz donc sus enviat — en de balas.

Peu perdut au plenmar, la negada que demora ua fin fin finau com las autas ; qu'exploravi los recantons de la tela en lo sens, logic, que nadavi peus articles qui'm hasèvan amistanças : de tota evidéncia qu'èra de mei mau deslagastà's d'un banastre quan èra sostengut per l'aritmetic. Secutament pairinat, que m'esbarravi d'iperligam en iperligam en har en un còp : Escapar a la hami e l'avegèr. Aquò que foncionava beròi, totun, ua notificacion que vienó trancar en dus l'indiferéncia per la quau m'èri ipnotizat jo, ua responsa ? Ne'm vagava pas de'm pausar la question, qu'èri dejà au devís.

Qu'ei au lheit men. LOL

Seriós... Que crèi que t'es hèit piratar

Piratat ? Que pojavi per instint lo hiu deu devís entà, bahida, trobar tralh suspècte d'ua cèrta intrusion : arren, n'i avèva pas d'anomalia. Que decidavi de profieitar de la situacion ; ua deus mens amics que m'avèva responut, ne l'anavi pas deishar atau : que compausavi la question seguenta. Enviada.

Ahah ! Conòt...

Qu'èra meilèu decebent com discuta ; Sofia ne semblava pas compréner l'importància de las meas demandas e que las prenava au plasent — que pagavi, dilhèu, un drin tròp car los nostes proseis precedents aus quaus n'èri pas lo darrèr a palhassajar : los mens pecats qu'èran pagats. Que calèva que l'ac expliquèssi qu'aquèste còp n'èra pas ua turalura, mes au bèth mei de la composicion un messatge d'error que'm vienó copar lo men balanç solemne :

Ua activitat suspècta qu'ei estat notada. Blocatge temporari de vòste compte

– Caralho !